Eduki teorikoak ikasteaz gain, mindfulness-ean oinarritutako erlaxazio eta meditazio teknikak irakasten ditugu, eta baita harreman-sistemikoko teknika aktiboak ere, gorputz-adierazpena, espazioa eta objektuak harremanetan duten eragin bizia kontuan hartuz, eta ikuspegi nagusia mindfulness-a eta behaketa izanik. Partaideen aldetik parte-hartze aktibo bat proposatzen dugu, ORAIN ETA HEMEN bizitutako esperientziak landuz, hau da, une zehatz honetan diharduen harremanean gertatzen diren bizipen-esperientzietan oinarritutako proposamen honetan murgilduz.
Mindfulness-a, praktikatuz lortzen den prozesu graduala da, denbora eta iraunkortasuna eskatzen dituen prozesua. Horregatik, parte-hartzaileei ikasiko dituzten erlaxazio eta meditazio teknika formal eta informalak euren eguneroko bizimoduan barne hartzera gonbidatuko zaie, egunero entrenatzearen garrantzia nabarmenduz. Hori dela eta, gaur egun, mindfulness-ean oinarritutako programen bideratzaile gehienek 8 astetan zehar praktikatuz garunean aldaketak gertatzen direla eusten dute, neuroirudi-tekniken bitartez frogatutako aldaketak, hain zuzen ere (Davidson R. y colaboradores, 2003).
Mindfulness-ean oinarritutako hainbat teknika erabiltzen dira: